ទិសដៅទស្សនវិស័យរបស់ Microsoft គឺ ក្នុងពេលអនាគតនឹងប្រើតែ Windows 10 មួយគត់ ហើយនឹងលែងមានឈ្មោះ Windows ស៊េរីថ្មីបង្ហាញខ្លួនបន្តពី Windows 10 ទៀតហើយ។
លោក Jerry Nixon អ្នកអភិវឌ្ឍរបស់ Microsoft បានបង្ហើបឱ្យដឹងថា គោលការណ៍របស់ Microsoft ជាបន្តទៅទៀតនោះគឺ “Windows as a Service” នោះគឺមានន័យថា Windows ស៊េរីថ្មី ដែលបន្តពី Windows 10 វើរ៍ហ្សឹនពេញនោះ នឹងនៅសល់តែការអាប់ឌែតតូចៗ ឱ្យនៅតែថ្មីជាប់ជានិច្ចប៉ុណ្ណោះ លែងមានការបញ្ចេញ Windows វើរ៍ហ្សឹនថ្មីបែបជាឈុតធំៗមកទៀតហើយ។
ទាំងអស់នេះ អ្នកដែលប្រើ Windows 7 និង Windows 8, 8.1 អាចអាប់ហ្រ្គេតទៅជាប្រព័ន្ធប្រតិបត្តិការ Windows 10 បាន និងអាចប្រើដោយឥតគិតថ្លៃបាន 1ឆ្នាំ នោះគឺមានន័យថា បន្ទាប់ពីគ្រប់ 1ឆ្នាំ ក្រោយពីអាប់ហ្រ្គេតពេញលេញហើយនោះ នឹងត្រូវចំណាយថ្លៃប្រើប្រាស់សេវាកម្ម ហើយទិសដៅរបស់ Microsoft គឺតម្រង់ឆ្ពោះទៅរក Cloud First និង Mobile First ផងដែរ។ យើងនឹងបាន ឃើញសេវាកម្មរបស់ Microsoft ក្នុងរូបបែប Cloud ច្រើនឡើង ដូចជា
Office និង Widows ជាដើម ចំណែក Mobile ក៏ចាប់ផ្តើមបុកកម្ទេចភ្លែតហ្វ៉ម តាមរយៈខាងអ៊ែប Office លើទូរស័ព្ទដៃ, Cortona ដែលនៅលើ iOS, Android និង Windows Phone ស៊េរីថ្មីដែលអាចប្រើបានជាមួយ Windows 10 រួមទាំងឧបករណ៍ផ្សេងៗទៀតផងដែរ៕
